सांगली, ता. ११ : मिरज तालुक्यातील नांद्रे येथील रस्त्यावरून पहाटे पायीचालत फिरायला जाणाऱ्याला अज्ञात वाहनाने दिलेल्या धडकेत पायीचालक जागीच ठार झाल्याची घटना (ता.१०) पहाटे साडेचार दरम्यान घडली आहे. या आपघातात संजय बापू सुरपुसे (वय ५०, चौगुले गल्ली, नांद्रे) हे जागीच ठार झाले. सकाळी पहाटे साडेचारच्या सुमारास हा अपघात झाला. याबाबत महावीर सुरपुसे यांनी सांगली ग्रामीण पोलिस ठाण्यात फिर्याद दिली असून ते मृत संजय यांचे बंधू आहेत. याबाबत अज्ञात वाहन चालकावर गुन्हा दाखल झाला आहे. या घटनेचा अधिक तपास सांगली ग्रामीण पोलीस करीत आहेत.