सांगली | प्रतिनिधी
सांगली ता. २८ : तासगाव अर्बन को ऑपरेटीव्ह बँक शाखा, मार्केट यार्ड सांगली या बँकेत चोरी करण्याचा प्रयत्न करणाऱ्या सराईत चोरट्यास सांगली स्थनिक गुन्हे अन्वेषण शाखेने केले अटक. अटक केलेल्या आरोपीचे नाव ओंकार विशाल साळुंखे वय १९ वर्ष रा. राजीव गांधी झोपडपट्टी, जुना बुधगांव रोड सांगली असे आहे. त्याचाकडून एक कोयता, चाकू, मारतुल, लोखंडी कटवणी व सॅक हस्तगत करण्यात आली. सदर आरोपी हे रेकॉर्डवरील गुन्हेगार असून यांचे वर यापूर्वी सांगली शहर, विश्रामबाग, संजयनगर, मिरज ग्रामीण व कराड, जि. सातारा या ठिकाणी चोरी, घरफोडीचे गुन्हे दाखल आहेत.
या प्रकरणी अश्विनीकुमार वसंत बिरनाळे, शाखा अधिकारी तासगाव अर्बन बँक शाखा मार्केट यार्ड सांगली यांनी ता. २७ रोजी विश्रामबाग पोलिसांत फिर्याद दिली.
दिलेल्या फिर्यादिवरून सांगली स्थानिक गुन्हे शाखेचे पोलीस निरीक्षक सतीश शिंदे यांच्या मार्गदर्शनाखाली स्थानिक गुन्हे अन्वेषण शाखेचे सहा. पोलीस निरीक्षक, पंकज पवार यांच्या आदेशाने चोरीचा गुन्हा उघडकीस आणण्याचे अनुषंगाने एक पथक तयार केले. पथकातिल पोलीस अनिल कोळेकर व विक्रम खोत यांना त्यांचे बातमीदाराकडून बातमी मिळाली की. रेकॉर्डवरील गुन्हेगार नामे सुदर्शन यादव रा. विश्रामबाग, सांगली व त्याचे सहकारी ओंकार साळुंखे रा. राजीव गांधी झोपडपट्टी, जुना बुधगांव रोड सांगली व मुनीब ऊर्फ बाबु मुश्ताक भाटकर सध्या रा. अंबा चौक, सांगली यांनी तासगाव अर्बन को ऑपरेटीव्ह बँक शाखा, मार्केट यार्ड, सांगली येथे चोरी करण्याचा गुन्हा करून ते तिघे सध्या तात्यासाहेब मळा, मिरा हौसींग सोसायटी, सांगली परीसरात लपून बसल्याची खात्रीशीर बातमी मिळाली.
त्याबातमीप्रमाणे, सापळा रचून एक इसम बातमीप्रमाणे संशयितरित्या थांबलेला दिसला.त्यास ताब्यात घेवून त्याच्या सॅकमधील चीजवस्तू जप्त केले. या वस्तूने त्याचा साथीदार सुदर्शन यादव व मुनीब ऊर्फ बाबु भाटकर यांचेसोबत रात्रीच्या वेळी मार्केट यार्ड सांगली बँकेत चोरीचा प्रयत्न करत असताना बँकेचा सायरन वाजल्याने तेथून पलायन करून मल्टीप्लेक्स टॉकीजच्या पाठीमागील कॉलनीमध्ये बंद घर फोडून चांदीचे साहीत्य चोरी केल्याची त्याने कबुली दिली आहे.
.पुढील तपास विश्रामबाग पोलीस ठाणे करीत आहेत. ओंकार चे दोन परागंदा साथीदार आरोपीचे नावे सुदर्शन यादव, रा कराड, जि. सातारा, सांगली व मुनीब उर्फ बाबू भाटकर रा.आंबा चौक, सांगली यांचा शोध घेवून आणखी गुन्हे उघडकिस आणण्याचे प्रयत्न करत आहे.
सदर कारवाई करणारे अधिकारी व अंमलदार…
पोलीस निरीक्षक सतिश शिंदे, स्था. गु.अ. शाखा, सहा. पोलीस निरीक्षक पंकज पवार, स्था.गु.अ. शाखा, पोलीस उपनिरीक्षक कुमार पाटील, पोलीस संदिप गुरव, नागेश खरात, द-याप्पा बंडगर, अनिल कोळेकर, सतीश माने, सागर लवटे, सागर टिंगरे, अमर नरळे, सुशिल मस्के, संदिप नलावडे, विक्रम खोत, सुरज थोरात, सुमित सुर्यवंशी पो.कॉ. कॅप्टन गुंडवाडे, सायबर पोलीस ठाणे यांनी केली.