सांगली या ठिकाणी आता लोकसभेच्या जागेसाठी तिरंगी लढत पाहायला मिळणार आहे. काँग्रेसकडून इच्छुक असलेल्या विशाल पाटलांनी आपला अर्ज परत घेतला नाही. तेव्हा सांगली लोकसभा निवडणुकीच्या रिंगणात आता ते महाआघाडीचे उमेदवार चंद्रहार पाटील आणि महायुतीचे उमेदवार संजय काका पाटील यांच्याविरोधात लढत देतील.
सांगलीच्या जागेवरुन महाविकास आघाडीत बरीच रस्सीखेच झाली शेवटी शिवसेनेला ( ठाकरे गट) ही जागा मिळाली. त्यांना ही जागा मिळाल्यावर काँग्रेसच्या विशाल पाटील यांनी आपली नाराजी व्यक्त केली होती आणि त्यांनी अपक्ष उमेदवार म्हणून अर्ज केला.
त्यांची मनधरणी करुन त्यांना अर्ज मागे घ्यावयास लावू असा विश्वास महाविकास आघाडीतील नेत्यांना होता पण आज अर्ज मागे घेतला नाही. आज ( 22 एप्रिल) रोजी सांगलीतील 6 अपक्ष उमेदवारांनी माघार घेतली पण विश्वास पाटील यांनी आपली उमेदवारी कायम ठेवली. त्यानंतर आता ही लढत तिरंगी होईल असे स्पष्ट झाले आहे.